पीटरसनचा वनडेला गुडबाय
Thursday, 31 May 2012|
Marathi Shayar
इंग्लंडचा माजी कर्णधार केविन पीटरसनने वनडे व टी-२० क्रिकेटमधून निवृत्ती जाहीर केली आहे. क्रिकेटच्या व्यस्त कार्यक्रमामुळे दमछाक होत असल्याने पीटरसनने हा निर्णय घेतला असून कसोटीत मात्र तो खेळणार आहे. पीटरसन हा आक्रमक फलंदाज म्हणून ओळखला जातो. आपल्या सुपरफास्ट खेळीने गोलंदाजांची पिसे काढण्यात तो माहीर आहे. त्यामुळे वनडे , टी-२०तून निवृत्ती घेत कसोटीला पसंती देण्याचा निर्णय पीटरसनच्या चाहत्यांना नक्कीच आश्चर्य चकित करून जाईल. ' खूप विचार केला , जाणकार व आप्तांशी चर्चा केली आणि मग वनडे , टी-२०तून निवृत्तीचा निर्णय पक्का केला ', असे पीटरसन सांगतो.
वर्ल्ड टी-२० चॅम्पियनशिप काही महिन्यांवर येऊन ठेपली असताना गतविजेत्या इंग्लंडचा हुकूमी एक्का पीटरसनने निवृत्ती घेणे अनेकांच्या भुवया उंचावणारे ठरलेय. इंग्लंड बोर्डाच्या नियमानुसार वनडेमधून निवृत्त होणारा क्रिकेटपटू टी-२०मधून बाहेर पडतो. त्यामुळे पीटरसनचा आता टी-२०साठी विचार होणार नाही.
' मी जूनमध्ये ३२व्या वर्षात पदार्पण करतोय , तिशी ओलांडल्याने शरीर लवकर थकते. सध्या क्रिकेटचा कार्यक्रम खूपच व्यस्त असतो. या वेळापत्रकाशी जुळवून घेता येत नाहीये. त्यामुळेच मी मर्यादित षटकांच्या क्रिकेटमधून निवृत्त होण्याचा निर्णय घेतला. माझ्याऐवजी एखाद्या तरुण खेळाडूला संधी मिळेल ', असे पीटरसन म्हणाला. या वक्तव्यातून त्याच्यावरील मोठे दडपण हलके झाल्यासारखे जाणवत राहते.
' मला टी-२० वर्ल्डकपमध्ये खेळणे आवडले असते. पण ; नियमांनुसार खेळता येणार नाही. वनडेमध्ये माझी कामगिरी चांगलीच आहे , याचे समाधान नेहमीच राहील ', पीटरसन नमूद करतो.
इंग्लंड क्रिकेट बोर्डानेही पीटरसनची वनडे निवृत्ती बोर्ड व इंग्लंडच्या पाठिराख्यांना निराश करणारी असल्याचे सांगितले. ' कोणता फटका कधी खेळायचा याचे अचूक टायमिंग साधणाऱ्या पीटरसनचे वनडे निवृत्तीचे टायमिंग मात्र चुकले. गतविजेत्या इंग्लंडला जगज्जेतेपद राखण्याची मोठी कामगिरी यंदा फत्ते करायची आहे. त्यासाठी पीटरसनसारखा मोहरा संघात हवा होता. असो , त्याने निर्णय घेतलाय... इंग्लंड क्रिकेट बोर्डातर्फे या वर्ल्डक्लास क्रिकेटपटूला थँक्स देतो ', असे इंग्लंड क्रिकेट बोर्डाचे मॅनेजिंग डायरेक्टर ह्यु मॉरिस म्हणाले.
३१ वर्षीय पीटरसन १२७ वनडे आणि ३६ टी-२० सामन्यांमध्ये त्याने इंग्लंडचे प्रतिनिधित्व केले आहे. २००४मध्ये हरारेला झिम्बाब्वेविरुद्ध पीटरसनने वनडे पदार्पण केले. ४१.८४च्या सरासरीने त्याने ४१८४ धावा फटकावल्या आहेत.
तिशी ओलांडल्याने शरीर लवकर थकते. क्रिकेटच्या व्यस्त वेळापत्रकाशी जुळवून घेता येत नाहीये. मला टी-२० वर्ल्डकपमध्ये खेळणे आवडले असते. पण ; नियमांनुसार खेळता येणार नाही. -
पीटरसन
पीटरसनची वनडे कामगिरी
सामने डाव धावा सर्वोच्च सरा. १००/५० झेल
१२७ ११६ ४१८४ १३० ४१.८४ ९/२३ ३९
टी-२० कामगिरी
सामने डाव धावा सर्वोच्च सरा. १००/५० झेल
३६ ३६ ११७६ ७९ ३७.९३ ०/७ १४
वर्ल्ड टी-२० चॅम्पियनशिप काही महिन्यांवर येऊन ठेपली असताना गतविजेत्या इंग्लंडचा हुकूमी एक्का पीटरसनने निवृत्ती घेणे अनेकांच्या भुवया उंचावणारे ठरलेय. इंग्लंड बोर्डाच्या नियमानुसार वनडेमधून निवृत्त होणारा क्रिकेटपटू टी-२०मधून बाहेर पडतो. त्यामुळे पीटरसनचा आता टी-२०साठी विचार होणार नाही.
' मी जूनमध्ये ३२व्या वर्षात पदार्पण करतोय , तिशी ओलांडल्याने शरीर लवकर थकते. सध्या क्रिकेटचा कार्यक्रम खूपच व्यस्त असतो. या वेळापत्रकाशी जुळवून घेता येत नाहीये. त्यामुळेच मी मर्यादित षटकांच्या क्रिकेटमधून निवृत्त होण्याचा निर्णय घेतला. माझ्याऐवजी एखाद्या तरुण खेळाडूला संधी मिळेल ', असे पीटरसन म्हणाला. या वक्तव्यातून त्याच्यावरील मोठे दडपण हलके झाल्यासारखे जाणवत राहते.
' मला टी-२० वर्ल्डकपमध्ये खेळणे आवडले असते. पण ; नियमांनुसार खेळता येणार नाही. वनडेमध्ये माझी कामगिरी चांगलीच आहे , याचे समाधान नेहमीच राहील ', पीटरसन नमूद करतो.
इंग्लंड क्रिकेट बोर्डानेही पीटरसनची वनडे निवृत्ती बोर्ड व इंग्लंडच्या पाठिराख्यांना निराश करणारी असल्याचे सांगितले. ' कोणता फटका कधी खेळायचा याचे अचूक टायमिंग साधणाऱ्या पीटरसनचे वनडे निवृत्तीचे टायमिंग मात्र चुकले. गतविजेत्या इंग्लंडला जगज्जेतेपद राखण्याची मोठी कामगिरी यंदा फत्ते करायची आहे. त्यासाठी पीटरसनसारखा मोहरा संघात हवा होता. असो , त्याने निर्णय घेतलाय... इंग्लंड क्रिकेट बोर्डातर्फे या वर्ल्डक्लास क्रिकेटपटूला थँक्स देतो ', असे इंग्लंड क्रिकेट बोर्डाचे मॅनेजिंग डायरेक्टर ह्यु मॉरिस म्हणाले.
३१ वर्षीय पीटरसन १२७ वनडे आणि ३६ टी-२० सामन्यांमध्ये त्याने इंग्लंडचे प्रतिनिधित्व केले आहे. २००४मध्ये हरारेला झिम्बाब्वेविरुद्ध पीटरसनने वनडे पदार्पण केले. ४१.८४च्या सरासरीने त्याने ४१८४ धावा फटकावल्या आहेत.
तिशी ओलांडल्याने शरीर लवकर थकते. क्रिकेटच्या व्यस्त वेळापत्रकाशी जुळवून घेता येत नाहीये. मला टी-२० वर्ल्डकपमध्ये खेळणे आवडले असते. पण ; नियमांनुसार खेळता येणार नाही. -
पीटरसन
पीटरसनची वनडे कामगिरी
सामने डाव धावा सर्वोच्च सरा. १००/५० झेल
१२७ ११६ ४१८४ १३० ४१.८४ ९/२३ ३९
टी-२० कामगिरी
सामने डाव धावा सर्वोच्च सरा. १००/५० झेल
३६ ३६ ११७६ ७९ ३७.९३ ०/७ १४
Posted in
0 comments for this post
Leave a reply