न्यूटनचा सिद्धांत शौर्यनं केला सिद्ध!
Sunday, 27 May 2012|
Marathi Shayar
गणितातील जी थिअरी सोडवताना साक्षात आयझॅक न्यूटन यांनाही घाम फुटला होता, गेल्या ३५० वर्षांत ज्या सिद्धांताची उकल भल्या-भल्या गणितज्ज्ञांना करता आली नाही, असं अत्यंत किचकट कोडं भारतीय वंशाच्या एका तरुणानं अगदी चुटकीसरशी सोडवून सगळ्यांनाच थक्क केलंय. शौर्य रे असं या पठ्ठ्याचं नाव असून तो जर्मनीतल्या शाळेत शिकतोय. त्याचं वय आहे, १६ वर्षं...
सर आयझॅक न्यूटन या थोर शास्त्रज्ञानं फंडामेन्टल पार्टिकल डायनॅमिक थिअरी मांडली खरी, पण अणूंच्या गतीचं गणित सोडवणं त्यांना काही जमलं नव्हतं. त्यानंतर या सिद्धांतावर कितीतरी चर्चासत्रं झाली, तर्कवितर्क लढवले गेले, विज्ञान आणि गणितातल्या रथी-महारथींच्या मेंदूचा भुगा पडला, पण त्याची उकल झाली झाली नाही. अगदी कॉम्प्युटरनंही या कोड्यापुढे हात टेकले. पण ड्रेसडेन इथं राहणा-या शौर्यनं भौतिकशास्त्रातला, ' द ग्रेट ' न्यूटन यांचा हा सिद्धांत अगदी ' खडे-खडे ' सिद्ध केला. अणुगतीच्या दोन सिद्धांतांमधील गुंता इतक्या सहजतेनं सोडवून त्यांना भल्या-भल्यांना बोटं तोंडात घालायला लावली आहेत.
शौर्यनं लावलेल्या शोधामुळे शास्त्रज्ञांना फेकलेल्या चेंडूचा टप्पा आणि मार्ग याचा अचूक अंदाज बांधता येईल. तसंच, हा चेंडू भिंतीवर आदळल्यानंतर कसा उसळेल, हेही ते नेमकं सांगू शकतील. शौर्य आपल्या शाळेच्या ट्रिपसोबत ड्रेसडेन विद्यापीठात गेला होता. त्यावेळी तिथल्या प्राध्यापकांनी सर्वच विद्यार्थ्यांना हे कोडं घातलं आणि त्याची उकल होत नसल्याचं सांगितलं. पण, ही थिअरी आपल्याला सोडवता आलीच पाहिजे, असा चंग शौर्यनं मनाशी बांधला आणि बघता-बघता त्यानं चमत्कारच करून दाखवला.
शौर्य रे हा मूळचा कोलकात्याचा असून तो चार वर्षांपूर्वीच जर्मनीला स्थायिक झालाय. त्याची विद्वत्ता पाहून शाळेनं त्याला थेट दोन इयत्ता पुढे नेऊन बसवलंय. वयाच्या सहाव्या वर्षापासून अशी किचकट गणितं, थिअरीज् सोडवण्याचा छंदच शौर्यला आहे. तो चार वर्षांपूर्वी जर्मनीला गेला, तेव्हा त्याला जर्मन भाषा अजिबात येत नव्हती. पण आता तो अस्खलित जर्मन बोलतो. त्याच्या या अफाट बुद्धिमत्तेला सलामच करायला हवा, नाही का ?
सर आयझॅक न्यूटन या थोर शास्त्रज्ञानं फंडामेन्टल पार्टिकल डायनॅमिक थिअरी मांडली खरी, पण अणूंच्या गतीचं गणित सोडवणं त्यांना काही जमलं नव्हतं. त्यानंतर या सिद्धांतावर कितीतरी चर्चासत्रं झाली, तर्कवितर्क लढवले गेले, विज्ञान आणि गणितातल्या रथी-महारथींच्या मेंदूचा भुगा पडला, पण त्याची उकल झाली झाली नाही. अगदी कॉम्प्युटरनंही या कोड्यापुढे हात टेकले. पण ड्रेसडेन इथं राहणा-या शौर्यनं भौतिकशास्त्रातला, ' द ग्रेट ' न्यूटन यांचा हा सिद्धांत अगदी ' खडे-खडे ' सिद्ध केला. अणुगतीच्या दोन सिद्धांतांमधील गुंता इतक्या सहजतेनं सोडवून त्यांना भल्या-भल्यांना बोटं तोंडात घालायला लावली आहेत.
शौर्यनं लावलेल्या शोधामुळे शास्त्रज्ञांना फेकलेल्या चेंडूचा टप्पा आणि मार्ग याचा अचूक अंदाज बांधता येईल. तसंच, हा चेंडू भिंतीवर आदळल्यानंतर कसा उसळेल, हेही ते नेमकं सांगू शकतील. शौर्य आपल्या शाळेच्या ट्रिपसोबत ड्रेसडेन विद्यापीठात गेला होता. त्यावेळी तिथल्या प्राध्यापकांनी सर्वच विद्यार्थ्यांना हे कोडं घातलं आणि त्याची उकल होत नसल्याचं सांगितलं. पण, ही थिअरी आपल्याला सोडवता आलीच पाहिजे, असा चंग शौर्यनं मनाशी बांधला आणि बघता-बघता त्यानं चमत्कारच करून दाखवला.
शौर्य रे हा मूळचा कोलकात्याचा असून तो चार वर्षांपूर्वीच जर्मनीला स्थायिक झालाय. त्याची विद्वत्ता पाहून शाळेनं त्याला थेट दोन इयत्ता पुढे नेऊन बसवलंय. वयाच्या सहाव्या वर्षापासून अशी किचकट गणितं, थिअरीज् सोडवण्याचा छंदच शौर्यला आहे. तो चार वर्षांपूर्वी जर्मनीला गेला, तेव्हा त्याला जर्मन भाषा अजिबात येत नव्हती. पण आता तो अस्खलित जर्मन बोलतो. त्याच्या या अफाट बुद्धिमत्तेला सलामच करायला हवा, नाही का ?
Posted in
news
0 comments for this post
Leave a reply