पेट्रोल दरवाढ अंशत: मागे?
Sunday, 27 May 2012|
Marathi Shayar
केंद्र सरकार, तेल कंपन्यांचे संकेत
वृत्तसंस्था । थिरुवनंतपुरम/देहरादून
पेट्रोलच्या दरामध्ये साडेसात रुपयांनी वाढ करत असल्याचा बॉम्ब बुधवारी टाकल्यानंतर गुरुवारी देशभरात संतापाची लाट उसळली होती. यूपीए सरकारमधील घटकपक्षांनीही सरकारला याप्रकरणी कोंडीत पकडल्यानंतर काँग्रेसने काही प्रमाणात दरवाढ मागे घेण्याचे संकेत दिले. मात्र त्याचवेळी राज्यांनी इंधनावरील त्यांचे कर कमी करावेत, अशी सूचना करत काँग्रेसने जबाबदारी झटकण्याचा प्रयत्न केला.
डॉलरच्या तुलनेत रुपयाची होत असलेल्या घसरणीच्या पार्श्वभूमीवर पेट्रोलची दरवाढ बुधवारी जाहीर करण्यात आली. मात्र या निर्णयानंतर सर्व प्रमुख विरोधी पक्षनेते आणि 'यूपीए'तील घटकपक्षांनी दरवाढीबाबत आपल्याला विश्वासात घेतले नसल्याचा सूर आळवल्यामुळे केंद्र सरकार दरवाढीच्या मुद्द्यावर गुरुवारी संध्याकाळी काहीसे 'बॅकफूट'वर आले. सामान्यांवर पडलेला वाढीव बोजा काहीसा हलका
करण्याचेच सरकारचे प्रयत्न आहेत, असे सांगत दरवाढ अंशत: मागे घेण्याचे संकेत काँग्रेस प्रवक्ते मनीष तिवारी यांनी दिले आहेत.
पेट्रोलियममंत्र्यांचा परदेश दौरा अर्धवट
दरम्यान दरवाढीच्या पार्श्वभूमीवर केंदीय पेट्रोलियम मंत्री जयपाल रेड्डी यांनी तुर्कमेनिस्तानचा दौरा अर्धवट सोडून भारतात परतण्याचा निर्णय घेतला आहे. पेट्रोल दरवाढीप्रकरणी कंपन्यांची बाजू मांडण्यासाठी रेड्डी राजधानी नवी दिल्लीत असणे आवश्यक असल्याने ते परतत आहेत.
जूनमध्ये कपात?
आंतरराष्ट्रीय बाजारपेठेतील तेलाचे दर कायम राहिले तर पुढील महिन्यात पेट्रोलच्या दरात एक रुपया ५० पैसे ते एक रुपया ८० पैशापर्यंत कपात होऊ शकते, असे इंडियन ऑइल कंपनीचे अध्यक्ष आर. एस. बुटोला म्हणाले.
गॅस, डिझेलचीही दरवाढ?
पेट्रोलपाठोपाठ आता डिझेल आणि गॅसच्या दरवाढीचाही बॉम्ब फुटण्याची भीती आहे. गेल्या वर्षभरापासून रखडलेली मंत्रिगटाची बैठक शुक्रवारी होण्याची शक्यता असून त्यात डिझेल आणि एलपीजी गॅसच्या दरवाढीबाबत चर्चा होणार असल्याचे समजते. केंद्रीय अर्थमंत्री प्रणव मुखर्जी यांच्या नेतृत्त्वाखाली ही महत्त्वपूर्ण बैठक होत आहे. या बैठकीलाही रेड्डी उपस्थित राहणार आहेत.
..........................................
३१ मे रोजी 'भारत बंद'
पेट्रोलवाढीला विरोध करण्यासाठी एनडीएने ३१ मे रोजी भारत बंद करणार असल्याचे जाहीर केले आहे. एनडीएतील घटक पक्षांशी याबाबत चर्चा झाली असून इतर पक्षांनाही या बंदमध्ये सहभागी करून घेण्यासाठी प्रयत्नशील असल्याचे शरद यादव यांनी सांगितले. तसेच यूपीएचे घटक पक्ष असलेल्या तृणमूल आणि दमुकलाही बंदमध्ये सहभागी करुन घेण्याचा प्रयत्न आहे. तर डावे पक्ष ३१ मे रोजी अखिल भारतीय निषेध दिन पाळणार आहेत.
source
वृत्तसंस्था । थिरुवनंतपुरम/देहरादून
पेट्रोलच्या दरामध्ये साडेसात रुपयांनी वाढ करत असल्याचा बॉम्ब बुधवारी टाकल्यानंतर गुरुवारी देशभरात संतापाची लाट उसळली होती. यूपीए सरकारमधील घटकपक्षांनीही सरकारला याप्रकरणी कोंडीत पकडल्यानंतर काँग्रेसने काही प्रमाणात दरवाढ मागे घेण्याचे संकेत दिले. मात्र त्याचवेळी राज्यांनी इंधनावरील त्यांचे कर कमी करावेत, अशी सूचना करत काँग्रेसने जबाबदारी झटकण्याचा प्रयत्न केला.
डॉलरच्या तुलनेत रुपयाची होत असलेल्या घसरणीच्या पार्श्वभूमीवर पेट्रोलची दरवाढ बुधवारी जाहीर करण्यात आली. मात्र या निर्णयानंतर सर्व प्रमुख विरोधी पक्षनेते आणि 'यूपीए'तील घटकपक्षांनी दरवाढीबाबत आपल्याला विश्वासात घेतले नसल्याचा सूर आळवल्यामुळे केंद्र सरकार दरवाढीच्या मुद्द्यावर गुरुवारी संध्याकाळी काहीसे 'बॅकफूट'वर आले. सामान्यांवर पडलेला वाढीव बोजा काहीसा हलका
करण्याचेच सरकारचे प्रयत्न आहेत, असे सांगत दरवाढ अंशत: मागे घेण्याचे संकेत काँग्रेस प्रवक्ते मनीष तिवारी यांनी दिले आहेत.
पेट्रोलियममंत्र्यांचा परदेश दौरा अर्धवट
दरम्यान दरवाढीच्या पार्श्वभूमीवर केंदीय पेट्रोलियम मंत्री जयपाल रेड्डी यांनी तुर्कमेनिस्तानचा दौरा अर्धवट सोडून भारतात परतण्याचा निर्णय घेतला आहे. पेट्रोल दरवाढीप्रकरणी कंपन्यांची बाजू मांडण्यासाठी रेड्डी राजधानी नवी दिल्लीत असणे आवश्यक असल्याने ते परतत आहेत.
जूनमध्ये कपात?
आंतरराष्ट्रीय बाजारपेठेतील तेलाचे दर कायम राहिले तर पुढील महिन्यात पेट्रोलच्या दरात एक रुपया ५० पैसे ते एक रुपया ८० पैशापर्यंत कपात होऊ शकते, असे इंडियन ऑइल कंपनीचे अध्यक्ष आर. एस. बुटोला म्हणाले.
गॅस, डिझेलचीही दरवाढ?
पेट्रोलपाठोपाठ आता डिझेल आणि गॅसच्या दरवाढीचाही बॉम्ब फुटण्याची भीती आहे. गेल्या वर्षभरापासून रखडलेली मंत्रिगटाची बैठक शुक्रवारी होण्याची शक्यता असून त्यात डिझेल आणि एलपीजी गॅसच्या दरवाढीबाबत चर्चा होणार असल्याचे समजते. केंद्रीय अर्थमंत्री प्रणव मुखर्जी यांच्या नेतृत्त्वाखाली ही महत्त्वपूर्ण बैठक होत आहे. या बैठकीलाही रेड्डी उपस्थित राहणार आहेत.
..........................................
३१ मे रोजी 'भारत बंद'
पेट्रोलवाढीला विरोध करण्यासाठी एनडीएने ३१ मे रोजी भारत बंद करणार असल्याचे जाहीर केले आहे. एनडीएतील घटक पक्षांशी याबाबत चर्चा झाली असून इतर पक्षांनाही या बंदमध्ये सहभागी करून घेण्यासाठी प्रयत्नशील असल्याचे शरद यादव यांनी सांगितले. तसेच यूपीएचे घटक पक्ष असलेल्या तृणमूल आणि दमुकलाही बंदमध्ये सहभागी करुन घेण्याचा प्रयत्न आहे. तर डावे पक्ष ३१ मे रोजी अखिल भारतीय निषेध दिन पाळणार आहेत.
source
Posted in
news
0 comments for this post
Leave a reply