चेन्नई हॅट्-ट्रिक साधणार की, कोलकाता जेतेपद पटकावणार?
Saturday, 26 May 2012|
Marathi Shayar
ही बाजी कुणाची ? ● आयपीएल फायनल आज
● थेट प्रक्षेपण रात्री ८ पासून , सेट मॅक्सवर
वृत्तसंस्था , चेन्नई
चेन्नई सुपर किंग्जचा आयपीएल फायनलमध्ये खेळण्याचा अनुभव की कोलकाता नाईट रायडर्सचा जोश , रविवारी यापैकी ज्याचा विजय होईल त्याच्या हाती आयपीएलची ट्रॉफी येईल... रविवारी आयपीएलच्या पाचव्या मोसमाच्या फायनलमध्ये चेन्नईचा मुकाबला होतोय तो कोलकात्याविरुद्ध.
चेन्नईकरांना अॅडव्हान्टेज म्हणजे सामना त्यांच्याच घरच्या चिदंबरम स्टेडियमवर होत आहे. अर्थात हे सगळे फायदे प्रत्यक्ष सामना सुरू झाल्यावर मात्र बाजूला पडतात. कारण ; प्रत्यक्ष सामन्यात सर्वोत्तम कामगिरी करणाराच सरस ठरतो.
ऑस्ट्रेलिया दौऱ्यादरम्यान सामन्याच्या ' फिनिशिंग ' वरून गंभीर आणि ढोणी यांच्यात मतभेद झाले होते. या दौऱ्यावर ढोणीने सचिनसह सेहवाग आणि गंभीर यांना ' संथ ' खेळाडू म्हटले होते. आता आयपीएल फायनल जिंकून गंभीर आपण किती ' सुपरफास्ट ' आहोत हे दाखवून देण्याचा प्रयत्न करेल.
यंदाच्या आयपीएलमध्ये चेन्नई-कोलकाता हे संघ दोनवेळा आमनेसामने आले , त्यात दोन्ही संघांनी प्रत्येकी एकदा बाजी मारली आहे. पहिल्या आयपीएलमध्ये राजस्थानने उपांत्य फेरीत दिल्लीवर मात करून अंतिम फेरी गाठली आणि नंतर विजेतेपद पटकावले , २००९ मध्ये डेक्कनने दिल्लीवर मात करून अंतिम फेरी गाठली आणि नंतर जेतेपद पटकावले होते. या वेळी कोलकाता आणि चेन्नई या दोन्ही संघांनी दिल्लीवर मात करूनच अंतिम फेरीतील प्रवेश निश्चित केला आहे. त्यामुळे या दोन संघांत कोण बाजी मारणार , याबाबतही उत्सुकता आहे.
अर्थात , गतविजेत्या चेन्नईला सलग तिसरे जेतेपद पटकाविण्यापासून गंभीरची सेना रोखणार का , याबाबत अधिक उत्कंठा आहे.
यंदा आयपीएलच्या अंतिम फेरीपर्यंत वाटचाल करणाऱ्या चेन्नईला नशिबाची साथ लाभलीय असे म्हटले जातेय.
डेक्कनने बेंगळुरू रॉयल चॅलेंजर्सला अखेरच्या साखळी लढतीत पराभवाचा धक्का दिल्याने , चेन्नईचा प्ले-ऑफमधील प्रवेश निश्चित झाला. त्यानंतर मोक्याच्या क्षणी चेन्नईने कामगिरी उंचावली आहे. आधी मुंबई इंडियन्स आणि नंतर दिल्लीला पराभूत करत त्यांनी अंतिम फेरी गाठली आहे. प्लेऑफच्या सामन्याचे महत्त्व लक्षात घेत चेन्नईच्या संघातील प्रत्येकाने आपल्यापरीने सर्वोत्तम कामगिरी करून दाखविली.
दुसरीकडे गौतम गंभीरच्या नेतृत्वाखाली कोलकाताने यंदाच्या आयपीएल मोसमात जबरदस्त कामगिरी केली आहे. सातत्य राखत कोलकाताने साखळीतील सोळापैकी दहा सामने जिंकले , त्यापाठोपाठ पहिल्या क्वालिफायरमध्ये दिल्लीवर सहज मात करत अंतिम फेरी गाठली. आता माहीच्या सेनेविरुद्ध गंभीरचा कस लागणार आहे , यात शंका नाही.
Posted in
Sport News
0 comments for this post
Leave a reply