एव्हरेस्टवर पुन्हा मराठी पाऊल
Monday, 28 May 2012|
Marathi Shayar
म. टा. प्रतिनिधी, मुंबई
पुण्याच्या बारा गिर्यारोहकांनी एव्हरेस्ट हे जगातील सर्वोच्च शिखर सर केल्यानंतर आठवड्याच्या आतच त्यावर पुन्हा मराठी पाऊल उमटले आहे. लष्करात ' कॅप्टन ' पदावर असलेल्या मुंबईच्या प्राची गोळे हिने हा पराक्रम केला असून शनिवारी सकाळी सहाच्या सुमारास तिने या एव्हरेस्टला गवसणी घातली. २८ वर्षीय प्राचीसह लष्करातील अन्य सहा महिला अधिकाऱ्यांनीही एव्हरेस्टचा माथा गाठण्याचे आपले स्वप्न साकार केले आहे.
ज्येष्ठ गिर्यारोहक कर्नल अजय कोटियाल यांच्या नेतृत्वाखाली २२ मार्चला या मोहिमेला सुरुवात झाली आणि साऊथ रिज मार्गाने शनिवारी २६ मे रोजी या चमूने एव्हरेस्ट सर केले.
मुंबईतील गोरेगाव येथे राहणारी प्राची गोळे ही या चमूतील अनुभवी सदस्य. शाळा-कॉलेजपासूनच अॅथलेटिक्समध्ये चमकलेल्या प्राचीने कॉलेजमध्ये एनसीसीमध्ये असतानाच गिर्यारोहणाचे शास्त्रशुद्ध धडे घेतले. ग्रॅज्युएशननंतर लष्करात अधिकारीपदी दाखल झाल्यानंतर तिला अनेक संधी मिळत गेल्या. त्यातील कामगिरीमुळेच एव्हरेस्ट मोहिमेत प्राचीची निवड झाली आणि तिने ती सार्थ ठरवली.
... तर आभाळाला हात टेकले असते!
' शिखरावर पोहोचले तेव्हा खरंच असं वाटलं , मी आणखी थोडी उंच असते , तर आभाळाला हात पोहोचले असते! '
- कॅप्टन प्राची गोळेने एव्हरेस्ट बेसकॅम्पवरून ' मटा ' शी बोलताना व्यक्त केलेली भावना.
पुण्याच्या बारा गिर्यारोहकांनी एव्हरेस्ट हे जगातील सर्वोच्च शिखर सर केल्यानंतर आठवड्याच्या आतच त्यावर पुन्हा मराठी पाऊल उमटले आहे. लष्करात ' कॅप्टन ' पदावर असलेल्या मुंबईच्या प्राची गोळे हिने हा पराक्रम केला असून शनिवारी सकाळी सहाच्या सुमारास तिने या एव्हरेस्टला गवसणी घातली. २८ वर्षीय प्राचीसह लष्करातील अन्य सहा महिला अधिकाऱ्यांनीही एव्हरेस्टचा माथा गाठण्याचे आपले स्वप्न साकार केले आहे.
ज्येष्ठ गिर्यारोहक कर्नल अजय कोटियाल यांच्या नेतृत्वाखाली २२ मार्चला या मोहिमेला सुरुवात झाली आणि साऊथ रिज मार्गाने शनिवारी २६ मे रोजी या चमूने एव्हरेस्ट सर केले.
मुंबईतील गोरेगाव येथे राहणारी प्राची गोळे ही या चमूतील अनुभवी सदस्य. शाळा-कॉलेजपासूनच अॅथलेटिक्समध्ये चमकलेल्या प्राचीने कॉलेजमध्ये एनसीसीमध्ये असतानाच गिर्यारोहणाचे शास्त्रशुद्ध धडे घेतले. ग्रॅज्युएशननंतर लष्करात अधिकारीपदी दाखल झाल्यानंतर तिला अनेक संधी मिळत गेल्या. त्यातील कामगिरीमुळेच एव्हरेस्ट मोहिमेत प्राचीची निवड झाली आणि तिने ती सार्थ ठरवली.
... तर आभाळाला हात टेकले असते!
' शिखरावर पोहोचले तेव्हा खरंच असं वाटलं , मी आणखी थोडी उंच असते , तर आभाळाला हात पोहोचले असते! '
- कॅप्टन प्राची गोळेने एव्हरेस्ट बेसकॅम्पवरून ' मटा ' शी बोलताना व्यक्त केलेली भावना.
Posted in
महाराष्ट्र माझा
0 comments for this post
Leave a reply