वानखेडेवरच्या चुकीची क्षमा असावीः शाहरुख
Tuesday, 29 May 2012|
Marathi Shayar
मटा ऑनलाइन वृत्त । चेन्नई
वानखेडे स्टेडियमवरचं माझं वागणं चुकीचं होतं... मी तसं वागायला नको होतं... ज्या चाहत्यांनी मला त्या ' अवतारा ' त पाहिलं त्यांची मी मनापासून क्षमा मागतो... हे उद्गार आहेत, किंग खान शाहरुखचे. कोलकाता नाइट रायडर्सनं आयपीएलच्या जेतेपदावर नाव कोरल्यानंतर शाहरुखला आपल्या चुकीची उपरती झाली आणि त्यानं तमाम क्रिकेटप्रेमींना , झालं गेलं विसरून जाण्याची विनवणी केली.
आयपीएलच्या पाचव्या पर्वात शाहरुखच्या कोलकात्यानं काल ' जितबो रे ' चा नारा दिला. चेन्नईच्या बलाढ्य संघाला नमवून त्यांनी या स्पर्धेचं पहिलंवहिलं जेतेपद पटकावलं. त्यानंतर शाहरुखचा आनंद गगनात मावत नव्हता. तो आपल्या कुटुंबियांना-मित्रमंडळींना ' खुशी की छप्पी ' देत होता, हात उंचावून चाहत्यांना अभिवादन करत होता, मध्येच नाचत होता, उधळत होता-खिदळत होता. पण, हा विजयोत्सव साजरा करताना, वानखेडेवरच्या कटू आठवणी शाहरुखला अस्वस्थ करत असाव्यात. तिथल्या असभ्य, उर्मट, अशोभनीय वागण्याचा बहुतेक त्याला पश्चात्ताप होत असावा. म्हणूनच त्या ' तमाशा ' बद्दल त्यानं आपल्या तमाम चाहत्यांची, विशेषतः बच्चेकंपनीची जाहीर माफी मागितली.
एमसीएवर मी ज्या पद्धतीनं वागलो-बोललो त्याबद्दल मी सगळ्यांची माफी मागू इच्छितो. माझं ते वागणं अत्यंत चुकीचं होतं, याची जाणीव मला झाली आहे. आज आमची टीम जिंकलेली असताना, तुम्ही सगळे मला माफ कराल, अशी आशा बाळगतो, असा माफीनामाच शाहरुखनं सादर केला. त्यावेळी पत्नी गौरी आणि त्याची मुलगीही सोबत होती. या दिलगिरीनंतर, कोलकात्याच्या प्रत्येक खेळाडूचं शाहरुखनं भरभरून कौतुक केलं.
वानखेडेवर काय झालं होतं ?
१६ मे रोजी वानखेडे स्टेडियमवर झालेल्या सामन्यात कोलकात्यानं मुंबई इंडियन्सचा पराभव केला होता. या सामन्यानंतर शाहरुख खान आपले सहकारी आणि मुलांना घेऊन मैदानात जात असताना सुरक्षारक्षक विकास दळवी यांनी त्याला अडवलं. त्यामुळे खवळलेल्या शाहरुखनं दळवी यांच्याशी धक्काबुक्की आणि बाचाबाची केली. यावेळी झालेल्या शाब्दिक चकमकीत त्यानं एमसीएच्या पदाधिका-यांनाबद्दलही अपशब्द काढले होते आणि जीवे मारण्याची धमकीही दिली होती. या प्रकरणी एमसीएनं शाहरुखला पाच वर्षं वानखेडे बंदीची शिक्षा सुनावली आहे.
वानखेडे स्टेडियमवरचं माझं वागणं चुकीचं होतं... मी तसं वागायला नको होतं... ज्या चाहत्यांनी मला त्या ' अवतारा ' त पाहिलं त्यांची मी मनापासून क्षमा मागतो... हे उद्गार आहेत, किंग खान शाहरुखचे. कोलकाता नाइट रायडर्सनं आयपीएलच्या जेतेपदावर नाव कोरल्यानंतर शाहरुखला आपल्या चुकीची उपरती झाली आणि त्यानं तमाम क्रिकेटप्रेमींना , झालं गेलं विसरून जाण्याची विनवणी केली.
आयपीएलच्या पाचव्या पर्वात शाहरुखच्या कोलकात्यानं काल ' जितबो रे ' चा नारा दिला. चेन्नईच्या बलाढ्य संघाला नमवून त्यांनी या स्पर्धेचं पहिलंवहिलं जेतेपद पटकावलं. त्यानंतर शाहरुखचा आनंद गगनात मावत नव्हता. तो आपल्या कुटुंबियांना-मित्रमंडळींना ' खुशी की छप्पी ' देत होता, हात उंचावून चाहत्यांना अभिवादन करत होता, मध्येच नाचत होता, उधळत होता-खिदळत होता. पण, हा विजयोत्सव साजरा करताना, वानखेडेवरच्या कटू आठवणी शाहरुखला अस्वस्थ करत असाव्यात. तिथल्या असभ्य, उर्मट, अशोभनीय वागण्याचा बहुतेक त्याला पश्चात्ताप होत असावा. म्हणूनच त्या ' तमाशा ' बद्दल त्यानं आपल्या तमाम चाहत्यांची, विशेषतः बच्चेकंपनीची जाहीर माफी मागितली.
एमसीएवर मी ज्या पद्धतीनं वागलो-बोललो त्याबद्दल मी सगळ्यांची माफी मागू इच्छितो. माझं ते वागणं अत्यंत चुकीचं होतं, याची जाणीव मला झाली आहे. आज आमची टीम जिंकलेली असताना, तुम्ही सगळे मला माफ कराल, अशी आशा बाळगतो, असा माफीनामाच शाहरुखनं सादर केला. त्यावेळी पत्नी गौरी आणि त्याची मुलगीही सोबत होती. या दिलगिरीनंतर, कोलकात्याच्या प्रत्येक खेळाडूचं शाहरुखनं भरभरून कौतुक केलं.
वानखेडेवर काय झालं होतं ?
१६ मे रोजी वानखेडे स्टेडियमवर झालेल्या सामन्यात कोलकात्यानं मुंबई इंडियन्सचा पराभव केला होता. या सामन्यानंतर शाहरुख खान आपले सहकारी आणि मुलांना घेऊन मैदानात जात असताना सुरक्षारक्षक विकास दळवी यांनी त्याला अडवलं. त्यामुळे खवळलेल्या शाहरुखनं दळवी यांच्याशी धक्काबुक्की आणि बाचाबाची केली. यावेळी झालेल्या शाब्दिक चकमकीत त्यानं एमसीएच्या पदाधिका-यांनाबद्दलही अपशब्द काढले होते आणि जीवे मारण्याची धमकीही दिली होती. या प्रकरणी एमसीएनं शाहरुखला पाच वर्षं वानखेडे बंदीची शिक्षा सुनावली आहे.
Posted in
Sport News
0 comments for this post
Leave a reply